AF222a: 36v

maʿcūn‑i muqavvī // ʿāqır qarḥā hem 20 qaranfil m 20 zencebīl m 20 // edvīye saḥq ėdüb baʿdehū igirm[i] beş dāne yumurdanuñ // ṣarusın bu eczā ile ḥalṭ ėde 150 dirhem kefi alınmış ʿasel ile maʿcūn eyleye vaqt‑i ḥācetde // cevz‑i bevvā qadarı yiyeler man lam yaḏuq lam yaʿrif fāʾide turb toḥmını süde qatub yüzde // olan çigide sürseler gidere fāʾide ḫardalı ev içine ṣaçsa yılan ve çıyan ve muʾẕī ḥaşerāt // gide qalmaya ḥāmil ʿavret ayva yėmegi ʿādet ėdinse ṭoġan evlāduñ ḥüsni // ve ḫulqı gökçek ola
ʿavret yāḫᵛud ḥayvān ṭoġururken ṣarblansa yazub içüreler yā ḫāliqa n‑nafsi wa-muḫrica n‑nafsi mina n‑nafsi // fāʾide yılan ṣoqmış adama erik yapraġın dögüb bez icinde muḥkem ṣoqub ṣuyın çıqarub içüreler // oñulmaz yaraya saqız bal mūmı zift zeytūn yaġ bu cümleyi bir yėre ḫalṭ ve merhem // ėdüb üzerine uralar nāfiʿdür inşāʾa llāhu taʿālā oñmaz yara ve bitmez yara içün // kelb başın yaqub külini üzerine ekeler nevʿ‑i dīger oñulmaz yaraya yumurda ṣarusını bir miqdār // ḫardalla ve zeyt yaġı‑yla ve buġday unı‑yla qarışdurub merhem ėdeler üzerine uralar nāṣırı [!] // giderür ve yarayı bitürür fāʾide maʿcūn‑i nāfiʿ min külli dāʾ bu maʿcūnı bevāsirden [!] ve maqʿadda // zaḥmet olsa maṣṭakī dirhem 20 günlük direm 20 kebābe direm 20 zencebīl m 10 qaranfil m 10 cevz‑i bevvā m 10 // cevz‑i Hindī m 20 egir m 20 afyūn m 5 zaʿferān m 5 misk cekirdek m 1 ʿasel m 200 // bu mecmūʿ eczāʾı muḥkem dögüb elekden eleye ve bir miqdār bala qıvām vėrdükden cümlesin ḫalṭ // ėdüb fe‑ammā sāʾir eczādan muqaddem afyūnı ṣu ile ıṣladub revāq bal şeklinde olduqda ve // bal qıvāma geldükden‑ṣoñra bala qatalar ve zaʿferānı ve miski ḫalṭ ėdüb sāyir eczāʾı daḫı ḫalṭ // ėdeler aʿlā maʿcūn olur ṣabāḥda ve aḫşamda bir baqla miqdārı istiʿmāl ėde içerüde ve maqʿadda // olan zaḥmeti giderür
fāʾide el‑ʿıyāẕ bi‑llāhi bir kimsenüñ sidügi ṭutılsa maʿdonosı havānda [!] dögüb ve ṣıqub // ṣuyın çıqarub bir fincān miqdārı ol ṣudan içse bi‑iẕni llāhi taʿālā hemān fetḥ ola // fāʾide at yėme ṭutılsa Eflāq ṭuzın muḥkem dögüb eleye atuñ qulaqlarına ṭoldurub sicim ile // muḥkem qulaqların baġlaya ṭuz dökilmeye fetḥ olınca ṭura ʿacāyib bilesin [?]